Período de inscrición:
Desde o 12/08/2025 ata o 21/09/2025

Información:
A asociación FAV Porto de Vega, en colaboración co excelentísimo Concello de Navia e a Confederación Española de Fotografía, convoca o primeiro Rally “Navia dende o teu móbil” e o primeiro Salón Nacional NavMóbil.

• Rally "Navia dende o teu móbil": Pretende promover e divulgar o patrimonio cultural e natural do concello de Navia. As persoas participantes deberán interpretar e reflectir nas súas imaxes o que consideren representativo deste territorio: paisaxes, cultura, arquitectura, gastronomía, tradicións... A única limitación é o ámbito xeográfico do concello de Navia.

• Salón Nacional NavMóbil: Abre a participación a persoas de calquera procedencia, sen restrición xeográfica nin temática, sempre que as imaxes foran tomadas exclusivamente con teléfono móbil. Esta categoría busca destacar a creatividade e o talento fotográfico móbil máis alá do territorio naviego.

Convoca:
Asociación FAV Porto de Vega

Requisitos:
Poderán participar todas aquelas persoas que o desexen, sen ningún tipo de distinción, sempre que as fotografías cumpran os requisitos establecidos nas bases.

• Rally "Navia dende o teu móbil": as inscricións estarán abertas dende a publicación destas bases ata o 21 de setembro de 2025 ás 00:01 h, completando o seguinte formulario: https://lc.cx/k-vfkC ou enviando un correo electrónico a fotografosvega@gmail.com cos seguintes datos: nome e apelidos, DNI, teléfono de contacto e indicación de se se trata de menores de idade, no caso de selo.

• Salón Nacional NavMóbil: non é necesaria inscrición previa. O propio envío das fotografías ao correo indicado considerarase como formalización da inscrición.

Enderezo:
ASOCIACIÓN FOTÓGRAFOS AFECCIONADOS DE VEGA
Rúa Armón Nº10 - 1º, Cp 33790, Porto de Vega - Navia (Asturias)
fotografosvega@gmail.com

Dotación:

Primeiro Rally Navia Dende o Teu Móbil

• 1º premio: 300 € + diploma + Medalla de Ouro CEF + vale impresión fine art 90x60 color3arte + circuíto Spa para dúas persoas no Hotel Blanco Spa.

• 2º premio: 200 € + diploma + Medalla de Prata CEF + vale impresión fine art 60x40 color3arte.

• 3º premio: 100 € + diploma + Medalla de Bronce CEF + vale impresión fine art 40x30 color3arte.

Primeiro Salón Nacional NavMóbil

• 1º premio: Medalla de Prata CEF.

• 2º e 3º premio: Mención de Honra CEF.

Máis información:

Acreditacións e Saída do Rally
O lugar para recoller as acreditacións e tomar a saída será a Casa da Cultura de Porto de Vega, nos seguintes horarios:

• Venres 3 de outubro de 16:00 h a 18:00 h.

• Sábado 4 de outubro de 11:00 h a 13:00 h e de 16:00 h a 18:00 h.

• Domingo 5 de outubro de 11:00 h a 13:00 h.

Cada participante poderá presentar un máximo de cinco (5) obras, que poderán ser en cor, branco e negro ou virados. Permítese a libre edición, sempre que a fotografía resultante sexa obra íntegra do autor ou autora.

Non se admitirán obras xeradas parcial ou totalmente por intelixencia artificial.

A entrega de todas as fotografías realizarase por correo electrónico a fotografosvega@gmail.com antes das 0:01 h do 6 de outubro de 2025.

• Para o Rally: as imaxes deben ir nomeadas coa clave de participación entregada ao tomar a saída, seguida do número de fotografía, exemplo: 004 foto1, 004 foto2, 004 foto3…
  Só se aceptarán fotografías tomadas con dispositivos móbiles nos días do rally. As persoas participantes deberán asegurarse de que os metadatos das imaxes reflictan o dispositivo co que foron tomadas así como a data e hora da captura. Nos primeiros planos deberán figurar ademais as coordenadas GPS da toma.

• Para o Salón NavMóbil: as imaxes enviaranse por correo electrónico a fotografosvega@gmail.com e no asunto deberá indicarse primeiro salón nacional NavMóbil.

As obras deben ir tituladas, e xunto a elas debe incluírse o nome completo do autor ou autora, enderezo postal e teléfono de contacto. O número de participación será asignado pola organización unha vez recibido o material.

INJUVE