O Concello de Cervo publica as bases reguladoras da convocatoria de axudas para o transporte escolar de estudantes que cursen estudos fose do termo municipal durante o curso 2024/2025. O obxecto destas axudas é apoiar ás familias con fillos e fillas que estuden en centros sostidos con fondos públicos cando estes estudos non estean dispoñibles no municipio.

Beneficiarios:

• Alumnado con idade inferior a 30 anos.

• Toda a unidade familiar debe estar empadroada no Concello de Cervo.

• Estar matriculado en centros sostidos con fondos públicos e ter presentado polo menos o 50% das materias correspondentes.

• Non superar os límites de ingresos establecidos.

• Estar ao día nas obrigas fiscais e coa Seguridade Social, sen subvencións pendentes de xustificación.

• Non incorrer en prohibicións para obter subvención segundo a lexislación vixente.

Contía das axudas:

• Renda per cápita ≤ 150% IPREM (ata 10.800 €): 250 €

• Renda per cápita ≤ 200% IPREM (ata 14.400 €): 150 €
  O crédito máximo desta convocatoria é de 12.000 €.

Presentación de solicitudes:
As solicitudes presentaranse no Rexistro Xeral do Concello de Cervo, Praza do Concello s/n, ou por calquera dos medios previstos na Lei 39/2015. O prazo para presentar solicitudes será de 15 días desde a publicación do extracto no Boletín Oficial da Provincia (BOP nº 225, 30/09/2025).

As bases completas están dispoñibles na Base de Datos Nacional de Subvencións aquí e no taboleiro de anuncios da sede electrónica do Concello de Cervo aquí.