O programa ten como finalidade contribuír a sufragar os gastos de desprazamento do alumnado empadroado no municipio, que se vexa obrigado a desprazarse a outro concello para continuar os seus estudos. As axudas concederanse en réxime de concorrencia non competitiva, segundo o artigo 19.2 da Lei 9/2007, de subvencións de Galicia.

Requisitos:

• Estar empadroado/a e residir efectivamente en Folgoso do Courel, xunto con todos os membros da unidade familiar.

• Ter entre 16 e 30 anos no ano 2025.

• Estar matriculado/a en Bacharelato, Formación Profesional ou estudos universitarios sostidos con fondos públicos.

• Non ter ingresos propios.

• Estar ao corrente coas obrigas tributarias e coa Seguridade Social.

• Non ter subvencións pendentes de xustificar nin atoparse en prohibicións legais para obter axudas.

Contía das axudas:

• Ata 330 euros por estudante.

• O crédito total dispoñible é de 2.700 euros, ampliable segundo o número de solicitudes e a dispoñibilidade orzamentaria.

Prazo de solicitude:
Ata o 15 de novembro de 2025.

 Lugar de presentación:
No Rexistro Xeral do Concello de Folgoso do Courel.

Máis información

Sede Electrónica do Concello de Folgoso do Courel

BOP