Estas axudas teñen como obxectivo apoiar economicamente ao alumnado do municipio que curse estudos universitarios, de formación profesional, máster ou educación especial fóra do termo municipal.

As axudas destínanse a cubrir gastos derivados dos estudos, tales como:

• Adquisición de libros de texto.

• Matrícula de inscrición.

• Gastos de transporte.

• Gastos de vivenda.

Non se subvencionarán investimentos nin gastos bancarios ou impostos recuperables.

Persoas destinatarias e requisitos

Poderán ser beneficiarias as persoas estudantes que cumpran os seguintes requisitos:

• Estar empadroadas no Concello de Quiroga.

• Ser economicamente dependentes (menores de 25 anos que convivan no domicilio familiar e non conten con ingresos propios).

• Cumprir coas condicións establecidas nas leis de subvencións estatais e autonómicas.

Presentación de solicitudes

• Prazo: 20 días hábiles a partir do día seguinte ao da publicación das bases no Boletín Oficial da Provincia de Lugo.

As solicitudes deberán ir dirixidas ao alcalde e presentarse no modelo normalizado dispoñible na sede electrónica.

Documentación necesaria

Entre outros documentos, será preciso achegar:

• DNI da persoa solicitante.

• Xustificante de matrícula ou resgardo de pagamento.

• Facturas de libros, transporte e vivenda (se procede).

• Certificado bancario co número de conta.

• Declaración responsable de cumprimento de obrigas tributarias.

• Autorización ao Concello para realizar comprobacións (Anexo II).

Contía das axudas

As axudas distribuiranse proporcionalmente segundo os gastos xustificados, incluíndo matrícula, material escolar, transporte e vivenda.

Máis información

Toda a información e o modelo de solicitude están dispoñibles na Sede electrónica do Concello de Quiroga

ou no correo electrónico: concello.quiroga@eidolocal.es