O Concello de Brión, coa colaboración da Academia Galega de Teatro e Edicións Positivas, convoca o VIII Premio “Laudamuco” para Textos Teatrais 2026, co obxectivo de estimular e apoiar a creación dramática en lingua galega e render homenaxe a Roberto Vidal Bolaño, figura clave do teatro galego contemporáneo.

Obxecto:
Premiar unha obra dramática inédita, non premiada e escrita en galego, de tema e extensión libre.

Premio:

• 7.000 € e edición da obra gañadora a cargo de Edicións Positivas (400 exemplares).

• Entregarase tamén unha obra artística conmemorativa.

Presentación de obras:

• Exclusivamente en formato dixital (PDF) ao correo: premiolaudamuco@concellodebrion.gal

• Enviar dous arquivos:

  1. Texto da obra (sen identificación da autoría, libre de metadatos).

  2. Plica con datos persoais, pseudónimo e currículo.

Prazo:
Ata o 30 de xaneiro de 2026 ás 23:00 h.

Xurado:
Composto por cinco persoas de prestixio nas artes escénicas, propostas pola Academia Galega de Teatro e nomeadas polo alcalde de Brión.

Entrega do premio:

• 16 de maio de 2026, coincidindo co 47º aniversario da estrea de Laudamuco, señor de ningures.

Máis información:

• Bases completas dispoñibles en www.concellodebrion.gal

• Correo de contacto: premiolaudamuco@concellodebrion.gal