O Concello de Vigo publica a convocatoria de subvencións destinadas á organización de eventos e congresos relacionados co Turismo MICE (“Meeting, Incentives, Conferencing and Exhibitions”) que teñan interese turístico para a cidade durante o ano 2025.

O obxectivo é apoiar iniciativas que contribúan á dinamización do sector turístico local e á promoción do destino Vigo como referencia en turismo profesional e congresual.

Contía

• Dotación total: 90.000,00 €

• Financiadas con cargo á partida municipal 4320.4700000 “Subvencións, eventos e actividade, patrocinios”.

Quen pode solicitar

Poderán ser beneficiarias:

• Persoas físicas, persoas xurídicas e entidades legalmente constituídas con ánimo de lucro que organicen o evento en Vigo.

• O evento debe estar relacionado co Turismo MICE e contribuír á promoción turística da cidade.

• Debe tratarse dun evento ou congreso con mínimo XV edicións celebradas en Vigo.

• As entidades solicitantes deberán:

  • Estar ao corrente coas obrigas tributarias e coa Seguridade Social.

  • Non atoparse incursas en prohibicións para recibir subvencións (art. 10 da Lei 9/2007).

Gastos subvencionables

Serán subvencionables os gastos:

• Estritamente necesarios para a organización do evento.

• Realizados entre o 1 de xaneiro e o 1 de outubro de 2025.

Non serán subvencionables: gastos de funcionamento habitual, atencións protocolarias, investimentos ou adquisición de bens inventariables, nin eventos financiados por outras partidas municipais.

Presentación de solicitudes

• A solicitude deberá tramitarse a través da Sede Electrónica do Concello de Vigo:
   

Prazo

O prazo de presentación será o indicado no anuncio oficial dispoñible na sede electrónica do Concello.

Máis información

A convocatoria completa e as bases específicas poden consultarse en:  https://www.vigo.org
 (apartado Subvencións / Turismo)