O Concello de Burela publicou no BOP de Lugo nº 263 (15/11/2025) a convocatoria dun proceso selectivo para a creación dunha bolsa de emprego destinada á cobertura temporal de prazas e postos de administrativo/a.

A convocatoria foi aprobada mediante Decreto da Alcaldía nº 2025-1225, do 6 de novembro de 2025, co obxectivo de dispoñer de persoal cualificado para facer fronte ás necesidades urxentes da administración municipal, xa sexa como funcionario/a interino/a ou como persoal laboral temporal, segundo os supostos previstos na lexislación vixente.

Características do posto

• Denominación: Administrativo/a

• Grupo/Subgrupo: C / C1

• Destino: As distintas unidades administrativas do Concello, segundo necesidades motivadas.

• As funcións inclúen atención ao público, mecanografado de documentos, xestión de correspondencia, tarefas administrativas e uso das aplicacións informáticas municipais.

Requisitos principais

As persoas aspirantes deberán:

• Ter nacionalidade española (ou segundo artigo 57 do EBEP).

• Ter cumpridos 16 anos.

• Posuír título de Bacharelato, Técnico de FP de Grao Medio ou superior, ou equivalentes.

• Acreditar capacidade funcional para o posto.

• Non estar inhabilitado/a nin separado/a de servizo público.

• Acreditar Celga 4 ou superior (ou realizar a proba de galego).

Presentación de solicitudes

• Prazo: 10 días hábiles desde o día seguinte á publicación no BOP.

• Lugar:

  • Rexistro Xeral do Concello (9:00–14:00 h).

  • Rexistro electrónico: https://burela.sedelectronica.es

  • Ou calquera dos medios previstos na Lei 39/2015.

• As solicitudes deberán presentarse no modelo oficial dispoñible na sede electrónica.

Máis información 

BOP Lugo Px 5