O Concello de Narón vén de aprobar, na sesión ordinaria da Xunta de Goberno Local do 20 de novembro de 2025, as bases específicas e a convocatoria da oposición para cubrir dúas prazas de funcionario/a de carreira da Escala de Administración Xeral, subescala Administrativo/a (grupo C, subgrupo C1), incluídas na Oferta de Emprego Público de 2025.

Unha das prazas resérvase á quenda de discapacidade, de acordo co previsto na OEP e nas bases xerais que rexen os procesos selectivos municipais.

Características das prazas convocadas

• Número de prazas: 2 (1 quenda libre e 1 quenda de discapacidade)

• Sistema de selección: oposición

• Titulación requirida: Bacharelato ou equivalente

• Taxas de exame: 17,21 €

• Nivel de galego esixido: CELGA 4 (ou proba de acreditación)

• Funcións principais: tramitación de expedientes, informatización de documentos, atención ao público, rexistro e arquivo, e outras tarefas administrativas nos servizos de Medio Ambiente e Sociocomunitario.

Solicitudes

As persoas interesadas deberán presentar a súa solicitude mediante o modelo oficial dispoñible na Sede electrónica do Concello de Narón, no prazo de 20 días naturais contados desde o día seguinte ao da publicación da convocatoria no Boletín Oficial do Estado (BOE).

Xunto coa solicitude deberán achegarse:

• Xustificante do pagamento das taxas

• Copia do DNI

• Titulación académica requirida

• No caso da quenda de discapacidade: ditame médico acreditativo do grao e compatibilidade

• Acreditación do CELGA 4, ou proba de nivel para quen non dispoña do certificado

Proceso selectivo

O sistema será de oposición, con tres exercicios eliminatorios:

1. Cuestionario teórico (40 preguntas)

2. Suposto práctico

3. Proba de galego (só para quen non teña CELGA 4)

A puntuación final resultará da suma dos dous primeiros exercicios.

Lista de reserva

As persoas que superen o proceso pero non obteñan praza integrarán unha lista de reserva, segundo o previsto nas bases xerais, para futuras necesidades de provisión no Concello.

BOP CORUÑA