O Concello de Betanzos vén de publicar as bases dunha convocatoria urxente para a creación dunha bolsa de emprego de persoal laboral temporal na categoría de Profesor/a de Escola Infantil, que permitirá cubrir necesidades esenciais do servizo municipal cando se produzan vacantes ou ausencias.

Obxecto da convocatoria

O proceso ten por finalidade dispoñer dunha bolsa de profesionais cualificados/as para exercer funcións educativas e asistenciais propias da categoría de Profesor/a de Escola Infantil, garantindo a continuidade e calidade do servizo municipal.

Requisitos das persoas aspirantes

As persoas interesadas deberán cumprir, no último día de prazo, os seguintes requisitos:

• Ter nacionalidade española, da UE ou doutros Estados nas condicións previstas na normativa vixente.

• Ter 16 anos cumpridos e non exceder da idade máxima de xubilación.

• Posuír titulación universitaria: Grao en Mestre de Educación Infantil, Mestre especialista, Diplomatura en EXB - especialidade Educación Infantil ou Preescolar.

• Estar en posesión ou en condición de obter:

  • Carné de manipulador/a de alimentos.

  • Curso de primeiros auxilios.

• Non estar inscrito/a no Rexistro Central de Delincuentes Sexuais.

• Non padecer enfermidade nin limitación que impida o desempeño das funcións.

• Non estar separado/a do servizo de ningunha Administración Pública nin inhabilitado/a.

• Posuír capacidade funcional para as tarefas do posto.

• Acreditar coñecemento de galego (CELGA 4) ou equivalente.

• As persoas con discapacidade deberán indicalo e solicitar, se é o caso, adaptacións para as probas.

Presentación de solicitudes

As solicitudes deberán presentarse mediante o modelo oficial (Anexo II da convocatoria) dirixido á Alcaldesa-Presidenta.

A presentación realizarase:

• Preferentemente por vía electrónica na sede electrónica municipal.

• Ou por calquera das vías previstas na Lei 39/2015.

As persoas aspirantes deben declarar que cumpren todos os requisitos no momento de finalización do prazo.

Prazo de presentación

O prazo é de 10 días hábiles, contados desde o día seguinte á publicación da convocatoria no BOP da Coruña.

Máis información

As bases completas poden consultarse en:

• Taboleiro de anuncios do Concello de Betanzos

• Sede electrónica municipal: https://sede.betanzos.gal

• BOP