O Concello de Ferrol abre o proceso de selección para cubrir 7 prazas de persoal funcionario interino (Dereito, Traballo Social, Orientación Laboral e Educación Social) destinadas á execución de programas temporais de inclusión social.

Requisitos

Ter nacionalidade española ou dun estado membro da UE.

Non exceder a idade de xubilación e posuír capacidade funcional.

Titulacións específicas segundo a praza:

• Licenciado/a en Dereito (1 praza): Grao ou Licenciatura en Dereito.

• Traballador/a Social (3 prazas): Grao ou Diplomatura en Traballo Social.

• Orientador/a Laboral (2 prazas): Grao/Diplomatura/Licenciatura en Educación Social, Psicoloxía, Pedagoxía, Socioloxía, Relacións Laborais, Ciencias do Traballo, Económicas ou Empresariais.

• Educador/a Social (1 praza): Grao ou Diplomatura en Educación Social.

• Posuír o certificado Celga 4 ou equivalente.

• Aboamento de taxas de exame (exentos desempregados de longa duración).

Prazos

5 días hábiles a contar a partir do día seguinte á publicación no BOP (publicado o 16 de decembro de 2025).

Solicitudes

Deberán presentarse preferentemente de xeito telemático no Rexistro Xeral do Concello ou polos procedementos da Lei 39/2015, utilizando o modelo oficial (Anexo II das bases).

Máis información

Podes consultar as bases completas e o anuncio no BOP e na web do Concello de Ferrol.