O prazo de inscrición estará aberto ata o 13 de febreiro e inclúe categorías individuais, de parella, grupos, comparsas e carrozas

Cuntis. O Concello de Cuntis vén de convocar o Concurso de Entroido 2026, que se celebrará o domingo 15 de febreiro de 2026, a partir das 11:00 horas, cun desfile polas rúas da localidade aberto á participación da veciñanza e de colectivos de todas as idades.

Obxecto da convocatoria

• Regular a organización e desenvolvemento do Desfile e Concurso de Entroido 2026.

• Fomentar a participación cidadá e a creatividade a través dunha das celebracións tradicionais máis representativas de Galicia.

Categorías de participación

As persoas participantes poderán inscribirse nunha única categoría:

• Comparsa: mínimo 20 persoas.

• Grupo: entre 10 e 19 persoas.

• Parella: dúas persoas.

• Individual: unha soa persoa.

• Carroza.

Dotación económica

• Orzamento total máximo: 3.000 euros.

• As axudas financiaranse con cargo ao orzamento municipal do exercicio 2026.

Inscricións e prazos

• Prazo de inscrición: ata o 13 de febreiro de 2026 ás 23:59 horas.

• Presentación:

  • No Rexistro do Concello de Cuntis (de 9:00 a 13:30 h).

  • A través da Sede Electrónica do Concello de Cuntis.

• A documentación inclúe o formulario de inscrición e unha declaración responsable.

Información adicional

• No caso de asociacións legalmente constituídas, a inscrición deberá realizarse exclusivamente por vía electrónica e achegar a documentación acreditativa correspondente.

• Se as condicións meteorolóxicas non permiten a celebración do desfile, este quedará cancelado.
  
  BOPPO