O Concello de Lourenzá publicou as bases e a convocatoria de dous procesos selectivos para a contratación temporal de persoal desempregado durante a tempada estival de 2026.

Por unha banda, convócase a selección de seis monitores/as de tempo libre, mediante o sistema de concurso-oposición, para desenvolver o programa “Actividades de Dinamización Infantil. Tempo de Lecer Lourenzá 2026”.

Por outra, o Concello tamén abre o proceso para a contratación de dous socorristas, igualmente mediante concurso-oposición, ao abeiro da Orde do 13 de xaneiro de 2026 destinada á prestación dos servizos de vixilancia, rescate e salvamento en espazos acuáticos e instalacións descubertas.

As bases completas e a información sobre ambas convocatorias poden consultarse na páxina web do Concello de Lourenzá, na da Deputación Provincial de Lugo, no taboleiro de anuncios municipal e nas oficinas do Concello.

As ofertas serán tramitadas a través do Servizo Público de Emprego de Galicia (SPEG).

Datos clave

• Entidade convocante: Concello de Lourenzá.
• Postos ofertados: 8.
• 6 monitores/as de tempo libre.
• 2 socorristas.
• Sistema de selección: concurso-oposición.
• Destinatarios: persoas desempregadas.
• Xestión das ofertas: Servizo Público de Emprego de Galicia.

BOPLUGO