A Deputación Provincial de Lugo publicou dúas novas convocatorias de emprego público dirixidas a persoas tituladas nos ámbitos da enxeñaría agrícola e da enfermaría. As bases foron aprobadas pola Xunta de Goberno o pasado 5 de xuño e publicadas no Boletín Oficial da Provincia (BOP) do 12 de xuño de 2026.

Dúas prazas de Enxeñeiro/a Técnico/a Agrícola

• Convócanse 2 prazas de funcionario/a de carreira de Enxeñeiro/a Técnico/a Agrícola.
• As prazas corresponden ás Ofertas de Emprego Público dos anos 2023 e 2026.
• O acceso realizarase polo sistema de concurso-oposición libre.
• As prazas están encadradas no grupo A2 da escala de Administración Especial.
• Requírese estar en posesión do título de Grao en Enxeñaría Agrícola, Enxeñeiro/a Técnico/a Agrícola ou equivalente, así como acreditar o nivel Celga 4.

Listaxe de emprego temporal de ATS-DUE

• A Deputación tamén aprobou a creación dunha listaxe de emprego temporal de ATS-DUE.
• O obxectivo é cubrir con axilidade necesidades temporais de persoal nos centros de atención a persoas maiores e noutros servizos provinciais.
• A categoría está encadrada no grupo A2.
• As persoas aspirantes deberán contar coa titulación de Grao ou Diplomatura Universitaria en Enfermaría e acreditar o nivel Celga 4.

Prazo de presentación

O prazo de presentación de solicitudes para as prazas de Enxeñeiro/a Técnico/a Agrícola abrirase tras a publicación do correspondente extracto no Boletín Oficial do Estado (BOE). No caso da listaxe de ATS-DUE, a convocatoria rexerase polas bases publicadas no BOP e nos medios establecidos pola Deputación de Lugo.