O Concello de Baralla convoca un proceso selectivo para a contratación laboral temporal de sete persoas para a formación dunha brigada de prevención e defensa contra incendios forestais e o mantemento operativo do vehículo motobomba, ao abeiro do convenio de colaboración coa Consellería do Medio Rural.

Datos da convocatoria

• Número de prazas: 7.
  • 1 xefe/a de brigada.
  • 1 peón/oa condutor/a.
  • 3 peóns/as de brigada.
  • 2 condutores/as de motobomba.
• Modalidade de contratación: laboral temporal.
• Duración do contrato: 3 meses.

Presentación de solicitudes

O prazo de presentación de solicitudes será de 5 días hábiles, contados a partir do día seguinte ao da publicación do anuncio no BOP.

Este proceso selectivo está exento de taxas.

As bases específicas da convocatoria poden consultarse na sede electrónica e no taboleiro de edictos do Concello de Baralla.