O obxecto destas bases específicas é ordear o proceso selectivo para a cobertura, pola quenda libre, dunha praza de técnico/a de turismo (grupo III (B)) da escala de Administración Especial, Subescala servizos especiais, incluída na Oferta Pública de Emprego (OPE) do ano 2023. De conformidade co disposto no artigo 48 da Lei 2/2015, do 29 de abril, de emprego público de Galicia, no artigo 70 do texto refundido da Lei do Estatuto Básico do empregado público, aprobado polo Real Decreto Lexislativo 5/2015, do 30 de outubro, no artigo 20 da Lei 22/2021, de 28 de decembro, de Orzamentos Xerais do Estado para o ano 2023 prorrogados para o ano 2024, Lei 31/2022 de 23 de decembro, aprobase a oferta de emprego público correspondente a distintos corpos e escalas da Administración Xeral e Espacial do Concello de Baiona para o ano 2023, 2024 e 2025.

As condicións para inscribirse poden ser consultadas nas bases detalladas na ligazón inferior.

As persoas que desexen tomar parte neste proceso selectivo deberán facelo constar mediante unha instancia (anexo II) dirixida ao Sr. Alcalde do Concello de Baiona. A instancia contará, ao menos, cos datos persoais do solicitante, co seu enderezo e nela o aspirante declarará que reúne todos os requisitos necesarios para participar neste proceso selectivo. Os impresos de solicitude, poderán presentarseno Rexistro Xeral do Concello de Baiona ou pola sede electrónica do mesmo (baiona.sedelectronica.gal). Tamén o poden presentar nalgún dos lugares previstos no artigo 16.4 da Lei 39/2015, de 1 de outubro, do Procedemento Administrativo Común das Administracións Públicas, durante o prazo de 20 días hábiles a partir do seguinte ao da publicación do anuncio da convocatoria no Boletín Oficial do Estado. Aquelas solicitudes que sexan remitidas por correo ou entregadas en rexistros doutras administracións públicas (dentro do prazo de presentación de solicitudes) deberá remitirse por correo electrónico (aux.persoal@baiona.gal) copia da solicitude e co selo da data de presentación.

Máis información aquí: https://boppo.depo.gal/web/boppo/detalle/-/boppo/2026/07/29/2026058710