A Deputación Provincial de Ourense convoca axudas en especie para a adquisición de libros destinadas a persoas menores de idade empadroadas na provincia de Ourense, co obxectivo de fomentar os hábitos de lectura e o acceso á cultura.

Características da convocatoria:

• Persoas beneficiarias: menores nados no ano 2008 ou posteriores e empadroados nalgún concello da provincia de Ourense na data de publicación das bases no BOP.
• Axuda: un libro por persoa beneficiaria, cun importe máximo de 20 euros (IVE incluído).
• As diferenzas entre o importe do libro e os 20 euros máximos subvencionados serán asumidas pola persoa beneficiaria.
• Prazo para adquirir os libros: do 15 de outubro ao 18 de decembro de 2026.
• Quedan excluídos os libros de texto, material escolar, revistas e publicacións periódicas ou análogas.
• A adquisición poderá realizarse nos establecementos adheridos ao programa.

Para solicitar a axuda será necesario cubrir a solicitude a través da web do Plan de Lectura da Deputación de Ourense. Unha vez completados os datos, enviarase un código alfanumérico por cada menor beneficiario, que deberá presentarse xunto co NIF no establecemento elixido.

A convocatoria conta cunha dotación máxima de 350.000 euros.

Máis información: Plan de Lectura da Deputación de Ourense.

https://bop.depourense.es/portal/anuncio/352592