A Fundación Atresmedia lanzará o vindeiro 1 de decembro de 2026 a sexta edición do concurso EFECTO MIL, unha iniciativa dirixida á mocidade para sensibilizar sobre os riscos dixitais a través da creación de vídeos.

O concurso busca fomentar a reflexión e a creatividade entre a xente nova, animándoa a elaborar vídeos que axuden a concienciar sobre problemas como as noticias falsas, a adicción ás redes sociais ou o acoso a través de internet.

Na edición anterior participaron preto de 1.000 mozos e mozas, que crearon máis de 500 vídeos sobre estas problemáticas.

Nas próximas semanas, a organización facilitará materiais para que os centros educativos poidan traballar a iniciativa nas aulas ou animar o seu alumnado a presentar as súas propias creacións audiovisuais.

Mentres tanto, xa se pode visualizar a entrega de premios da quinta edición para coñecer as experiencias e testemuños das persoas participantes.

Máis información: consulta a web da Fundación Atresmedia.

https://www.youtube.com/watch?v=7kSR3aEUhHk&feature=youtu.be