O Concello de Brión publica a convocatoria de axudas municipais ao estudo para o curso 2025/2026, dirixidas a apoiar as familias con fillos e fillas matriculados en Educación Infantil, Primaria e ESO.

Estas axudas teñen como obxectivo facilitar o acceso equitativo á educación, cubrindo gastos derivados da escolarización como material escolar, libros ou actividades complementarias.

Quen pode beneficiarse?

• Alumnado de centros sostidos con fondos públicos, empadroado no Concello de Brión.

• Etapas educativas cubertas: Infantil, Primaria e Educación Secundaria Obrigatoria (ESO).

Prazo de solicitude

• O prazo de presentación das solicitudes será de 15 días hábiles contados a partir do día seguinte á publicación da convocatoria no BOP (8 de agosto de 2025).

Máis información

Consulta as bases completas e accede aos formularios oficiais no seguinte enlace:

🔗 Convocatoria oficial no BOP da Coruña (08/08/2025)