A Deputación Provincial de Ourense abre o prazo de matrícula para o curso 2025-2026 da Escola Provincial de Gaitas, con sede no Campus Universitario de Ourense.

As clases desenvolveranse do 1 de outubro ao 30 de xuño, con hora e media semanal por materia, máis tempo de ensaio e actuacións coas agrupacións da Escola.

Materias ofertadas

• Gaita

• Percusión

• Zanfona

• Canto e pandeireta

Cada materia contará cun profesor especializado e o alumnado achegará o seu propio material didáctico.

Prazas dispoñibles

Gaita

• Preparatorio 1 e 2: 20 prazas cada un

• Ciclo medio: 40 prazas por curso

• Ciclo superior: 10 prazas nos tres primeiros cursos e 5 prazas no cuarto

• Curso adultos: 40 prazas (1º), 20 prazas (2º)

Percusión

• 20 prazas por curso (1º, 2º, 3º)

• Curso especial: 10 prazas

Canto e pandeireta

• Preparatorio 1: 15 prazas

• Preparatorio 2: 20 prazas

• Ciclo normal: 20 prazas por curso

• Curso adultos: 30 prazas por curso

Zanfona

• 10 prazas por curso (1º, 2º, 3º)

Matrícula

• Prazo: do 1 de setembro ao 31 de outubro de 2025 (posibilidade de inscrición ao longo do curso en casos excepcionais).

• Prezo: 75 € por curso académico (inclúe todas as materias).

• Descontos para membros da mesma unidade familiar e bonificación do 100% para persoas desempregadas ou con discapacidade igual ou superior ao 33%.

Máis información

A programación completa e condicións de inscrición están dispoñibles nas dependencias da Escola Provincial de Gaitas e na sede electrónica da Deputación de Ourense:
https://sede.depourense.es

BOP Ourense