O Concello de Rairiz de Veiga publicou no Boletín Oficial da Provincia de Ourense a convocatoria do procedemento para a selección de dúas persoas beneficiarias do alugueiro de dúas vivendas de titularidade municipal: unha situada no lugar de Candás e outra no lugar da Saínza.

Condicións do alugueiro

• Vivenda en Candás: alugueiro mensual de 100 € (actualizable co IPC), contrato por 3 anos non prorrogables.

• Vivenda na Saínza: alugueiro mensual de 200 € (actualizable co IPC), contrato por 3 anos non prorrogables.

Requisitos principais

As persoas solicitantes deberán:

• Ser maiores de idade ou menores emancipados.

• Ter nacionalidade española, da UE ou, no caso de persoas extranxeiras non comunitarias, contar con permiso de residencia vixente.

• Non ser titulares dunha vivenda nin ter dereito de uso ou goce sobre outra.

• Estar ao corrente das obrigas tributarias co Concello de Rairiz de Veiga.

Solicitudes e prazo

O prazo de presentación de solicitudes é de 15 días naturais a partir do día seguinte á publicación do anuncio no BOP.

As solicitudes poderán presentarse:

• No Rexistro Xeral do Concello de Rairiz de Veiga.

• Nos rexistros previstos no artigo 16.4 da Lei 39/2015, do 1 de outubro.

• A través da sede electrónica municipal: rairizdeveiga.sedelectronica.gal.

O modelo de solicitude está dispoñible nas oficinas municipais (tel. 988 465 552, correo: concello.rairizdeveiga@eidolocal.es).

Documentación necesaria

Deberá achegarse DNI, libro de familia se procede, certificado do Rexistro da Propiedade, declaración do IRPF 2024 (ou xustificantes de non ingresos), así como a documentación que corresponda en casos de separación/divorcio ou discapacidade.

👉 Para máis información, consulta o anuncio completo no BOP de Ourense