Estas bases teñen como obxectivo establecer os criterios de participación nos concursos de disfraces de Entroido de 2026 organizados polo Concello de Ribeira, nas modalidades infantil e adultos respectivamente.

Poderán participar na modalidade infantil: nenas e nenos menores de 18 anos.

Poderán participar na modalidade de adultos: persoas maiores de 18 anos.

O prazo de presentación de solicitudes na modalidade infantil iniciarase o 15 de febreiro durante a festa infantil de Entroido e ata o 18 de febreiro ás 23:59 h.

Para a modalidade de adultos iniciarase o 13 de febreiro a partir das 12:00 h e ata o 18 de febreiro ás 23:59 h.

Para máis información consulta o seguinte enlace: https://bop.dacoruna.gal/bopportal/publicado/2026/01/21/2026_0000000244.html