A finalidade desta convocatoria correspondente é a promoción e fomento do deporte, apoiando actividades realizadas no Concello de Arteixo no presente ano por deportistas que practican deportes con carácter individual, entendendo todo aquel deporte que, segundo a súa regulamentación, é practicado por un ou dous deportistas como máximo. O Concello de Arteixo, dentro das súas competencias de promoción do Deporte, é consciente das dificultades que teñen moitos deportistas individuais para poder levar a cabo os seus adestramentos e competicións, polo elevado custo que supoñen os desprazamentos, licenzas federativas, equipamento..., e por este motivo considera necesario aprobar unha liña de axudas a deportistas individuais que teñan o carácter de bolsas. En concreto, estas bolsas convócanse para apoiar a deportistas de Arteixo practicantes de deportes individuais como (natación, pádel, salvamento, triatlón, judo, patinaxe, tiro con arco, ciclismo, deportes de motor, atletismo, montañismo, surf...), como medio de apoio e promoción do deporte de Arteixo e, deste xeito, acadar logros deportivos representando ao Concello de Arteixo. Polo tanto, poderán optar ás bolsas os deportistas arteixáns individuais que acreditando unha calidade inicial e unha especial dedicación á actividade deportiva, auguran unha proxección futura para o deporte de alta competición. As axudas obxecto desta convocatoria irán dirixidas a consolidar a progresión do rendemento dos deportistas.

O prazo para presentar as solicitudes será de DEZ DIAS HÁBILES, contado dende o seguinte ao da publicación oficial do extracto da convocatoria no Boletín Oficial da Provincia da Coruña na forma e nos termos previstos na Lei Xeral de Subvencións.

Máis información aquí: https://bop.dacoruna.gal/bopportal/publicado/2026/04/30/2026_0000002637.html