O Concello de Abegondo abriu a convocatoria do Certame Letras Galegas 2026, unha iniciativa dirixida a fomentar a creatividade literaria e audiovisual entre persoas de todas as idades.

Persoas destinatarias

O certame establece cinco categorías de participación:

• Infantil: alumnado de educación infantil.
• Primaria: alumnado de educación primaria.
• Secundaria e menores de 18 anos.
• Adultos: persoas de 18 anos ou máis.
• Audiovisual: aberta a todas as idades.

Obxecto da convocatoria

A convocatoria ten como finalidade regular a concesión dos premios ás persoas participantes que presenten traballos nas distintas categorías establecidas.

Bases reguladoras

As bases reguladoras foron publicadas no Boletín Oficial da Provincia da Coruña número 91, do 18 de maio de 2026.

Contía dos premios

O importe total destinado aos premios económicos ascende a 1.420 euros.

Prazo de presentación

O prazo para presentar solicitudes permanecerá aberto ata o 15 de xuño de 2026, incluído.