O Concello de Ponteareas convoca a edición 2026 dos Premios Menina Sarmiento–Ponteareáns/as Distinguidos/as do Ano, destinados a recoñecer persoas, entidades, colectivos e iniciativas vinculadas ao municipio que destaquen polo seu talento, traxectoria, compromiso e contribución a Ponteareas.

Categorías

Establécense as seguintes categorías:

• Cultura
• Educación, Ciencias e Investigación
• Empresa e Innovación
• Compromiso Social
• Inclusión
• Deportes
• Nova Promesa, para persoas de ata 25 anos
• Embaixada de Ponteareas
• Emigración/Aveciñamento

Presentación de candidaturas

As candidaturas poderán ser formuladas por:

• A Alcaldía.
• As Concellerías.
• Entidades inscritas nun rexistro oficial de asociacións.
• A cidadanía, mediante proposta cidadá, nos termos establecidos nas bases.

Prazo

O prazo de presentación será de 5 días hábiles, contados desde o día seguinte ao da publicación da convocatoria no Boletín Oficial da Provincia de Pontevedra.

Lugar de presentación

As candidaturas deberán presentarse no Rexistro Xeral do Concello de Ponteareas, a través da súa sede electrónica.


https://boppo.depo.gal/web/boppo/detalle/-/boppo/2026/08/24/2026063577