A Consellería de Educación, Ciencia, Universidades e Formación Profesional convoca os Premios Fin de Carreira da Comunidade Autónoma de Galicia para recoñecer o alumnado que finalizou os seus estudos de ensinanzas artísticas superiores no curso 2025/26 con excelentes resultados académicos.

Persoas destinatarias

Poderá optar aos premios o alumnado que:

• Finalizase no curso 2025/26 os estudos conducentes á titulación de grao en Ensinanzas Artísticas Superiores.
• Cursase os estudos nun centro de ensinanzas artísticas superiores de titularidade da Xunta de Galicia.
• Rematase os estudos entre o 1 de setembro de 2025 e o 31 de agosto de 2026.
• Teña unha nota media igual ou superior a 8,5000, sen redondeo.

Ensinanzas e número de premios

Poderanse conceder ata 6 premios, distribuídos do seguinte xeito:

• 🎭 1 premio para Ensinanzas Artísticas Superiores de Arte Dramática.
• 🏛️ 1 premio para Conservación e Restauración de Bens Culturais.
• 🎨 2 premios para Deseño.
• 🎵 2 premios para Música.

Cada persoa premiada recibirá unha dotación económica de ata 3.500 euros, así como un diploma acreditativo da distinción.

Como se seleccionarán as persoas premiadas?

A selección realizarase en réxime de concorrencia competitiva, atendendo á nota media máis alta do expediente académico en cada unha das diferentes titulacións de ensinanzas artísticas superiores implantadas en Galicia.
No caso de empate, terase en conta, por esta orde:

1. Ter obtido o premio extraordinario.
2. Maior número de matrículas de honra.
3. Maior número de sobresalientes.
4. Maior número de notables.
5. Menor número de suspensos.

Orzamento

A convocatoria conta cunha dotación global de 21.000 euros, que poderá incrementarse en función das dispoñibilidades orzamentarias.

Prazo e presentación das solicitudes

As solicitudes deberán presentarse obrigatoriamente por medios electrónicos, a través da sede electrónica da Xunta de Galicia, mediante o procedemento ED311G. Poderá utilizarse, entre outros sistemas de identificación e sinatura, Chave365.

📅 O prazo de presentación será de un mes contado desde o día seguinte ao da publicación da convocatoria no Diario Oficial de Galicia.

Máis información

As persoas interesadas poden consultar a convocatoria e realizar os trámites a través da sede electrónica da Xunta de Galicia.

Para dúbidas ou dificultades técnicas está dispoñible o teléfono 012 e o correo 012@xunta.gal. Para consultas específicas sobre a convocatoria: sereap@edu.xunta.gal.

Código de procedemento: ED311G

https://www.xunta.gal/dog/Publicados/2026/20260901/AnuncioG0761-160726-…