O Concello de Xove convoca o XII Concurso de Fotografía Medioambiental «Xove, a súa costa e o seu mar», co obxectivo de incentivar a participación cidadá na protección do medio ambiente a través da imaxe e da reflexión.

Prazo de presentación: ata o 30 de outubro de 2026.

Participantes: poderá participar calquera persoa.

Documentación:

• Ficha de inscrición e declaración de autoría.
• Copia do NIF da persoa participante.
• CD ou pendrive coas imaxes dixitais.

A documentación deberá presentarse nun sobre pechado, indicando no exterior «XII Concurso de fotografía medioambiental “Xove, a súa costa e o seu mar”».

Lugar de presentación:

• Rexistro de Entrada de Documentos do Concello de Xove (Casa do Concello, Camiño Real, s/n, 27870 Xove).
• Por correo postal ordinario. Neste caso, a Oficina de Correos deberá facer constar no sobre a data de presentación, que deberá ser como máximo o 30 de outubro de 2026.

Premios:

• Primeiro premio: 120 euros.
• Segundo premio: 100 euros.
• Terceiro premio: 90 euros.
• Cuarto premio: 75 euros.
• Quinto premio: 65 euros.

Os premios corresponden a unha única categoría e as contías son líquidas. O pagamento realizarase mediante transferencia bancaria.

Máis información: Base de Datos Nacional de Subvencións (BDNS), convocatoria 929661.

https://deputacionlugo.gal/sites/deputacionlugo.org/files/inline-files/…