O Concello de Mondoñedo convoca un proceso selectivo para a contratación temporal dunha/dun psicóloga/o-directora para cubrir unha baixa por incapacidade temporal no Centro de Información ás Mulleres (CIM) de xestión compartida polos concellos de Mondoñedo, Abadín, Lourenzá, A Pastoriza, Riotorto e Meira. A convocatoria inclúe tamén a creación dunha bolsa de emprego cunha vixencia de tres anos.

Características do posto

• Posto: Psicóloga/o-directora
• Número de prazas: 1
• Modalidade: persoal laboral temporal
• Xornada: completa
• Duración: ata a reincorporación expresa da titular da praza
• Retribución: 1.316,99 euros brutos mensuais, incluída a parte proporcional da paga extraordinaria, máis un plus bruto mensual de 312,68 euros
• Titulación: Licenciatura ou Grao en Psicoloxía.

Requisitos

Entre os requisitos establecidos nas bases figuran:

• Ter 16 anos cumpridos.
• Posuír a capacidade funcional necesaria para o desempeño das tarefas.
• Estar en posesión da Licenciatura ou Grao en Psicoloxía.
• Acreditar formación e experiencia en materia de igualdade de oportunidades por razón de xénero. A formación deberá incluír polo menos 200 horas de actividades formativas relacionadas coa igualdade de oportunidades.
• Dispor do CELGA 4 ou equivalente, ou superar a correspondente proba de galego.
• Dispor do permiso de conducir B e de vehículo ou dun medio de transporte para os desprazamentos necesarios.
• Carecer de antecedentes no Rexistro Central de Delincuentes Sexuais.

Proceso selectivo

O sistema de selección será o de concurso-oposición, cunha puntuación máxima de 20 puntos:

• Fase de concurso: ata 8 puntos, pola valoración da experiencia profesional e das accións formativas.
• Fase de oposición: ata 12 puntos.
• A oposición consistirá nun cuestionario tipo test de 40 preguntas e 4 de reserva, cunha duración de 80 minutos.
• Será necesario obter un mínimo de 6 puntos no exercicio.
• As persoas que non acrediten o CELGA 4 deberán realizar ademais unha proba de galego.

Bolsa de emprego

As persoas aspirantes admitidas formarán unha bolsa de emprego por orde de puntuación, destinada a cubrir posibles vacantes, baixas, substitucións ou outras necesidades temporais do servizo.

A bolsa terá unha vixencia de tres anos desde o día seguinte á publicación da convocatoria e das bases no Boletín Oficial da Provincia de Lugo.

Prazo e presentación de solicitudes

• Prazo: 5 días hábiles desde o día seguinte á publicación da convocatoria e das bases no BOP de Lugo.
• Presentación: no Rexistro Xeral do Concello de Mondoñedo, a través da sede electrónica ou polos medios previstos na Lei 39/2015.
• Publicación: BOP de Lugo núm. 222, do 28 de setembro de 2026.
• Máis información: sede electrónica do Concello de Mondoñedo: https://mondonedo.sedelectronica.gal
• https://deputacionlugo.gal/sites/deputacionlugo.org/files/inline-files/…