Norma Editorial convoca o Concurso Manga 2025.

O obxectivo do concurso é presentar unha idea para o posterior desenvolvemento dun manga de 176 páxinas. Este volume presentará unha historia auto conclusiva.
Deberá conter uns protagonistas con carisma e ben definidos.

A temática, estilo e xénero son totalmente libres.

Á hora de entregar o proxecto, este debe seguir os seguintes requisitos:
- Resumo completo do argumento da obra, nun máximo de 4400 caracteres (unha folla polas dúas caras).
- Resumo de 5 ou 6 liñas como presentación do proxecto. Tan só acéptanse arquivos DOC, RTF ou TXT. Outros formatos serán descartados.
- Creación das 8 primeiras páxinas completas (8 follas a unha cara) da obra. O gañador ou gañadora terá despois que seguir desenvolvendo a historia ata completar as 176 páxinas requiridas.
- Pode engadirse de maneira opcional unha portada (en branco e negro ou a cor) así como fichas dos personaxes.
- Datos persoais do autor ou a autora.

Os proxectos poden presentarse en formato físico (papel) ou dixital vía correo electrónico.
No caso do envío por correo ordinario ou certificado, en ningún caso deben enviarse os orixinais, debido a que non se devolverán os materiais recibidos.
Se o proxecto envíase nun cartafol, porfolio ou embalaxe similar, estes soportes tampouco serán devoltos unha vez finalizado o concurso.
Os proxectos enviados en físico destruiranse unha vez finalice o concurso.

O prazo de admisión finaliza o 29 de setembro de 2025 ás 23:59h, hora peninsular española.

Requisitos:
O concurso ten carácter internacional, polo que poden presentarse obras en calquera idioma e candidatos con calquera nacionalidade e idade.

Dirección:
Os proxectos que se envíen vía correo ordinario ou certificado deberán enviarse á seguinte dirección:
NORMA Editorial (Concurso Manga)
Passeig de Sant Joan, 7, Pral 2ª
08010 Barcelona
Os proxectos que se envíen por correo electrónico deberán enviarse á seguinte dirección:
concursomanga@normaeditorial.com

Dotación:
O premio consistirá nun contrato de edición para completar a obra nun total de 176 páxinas e ser publicada por Norma Editorial.
Este contrato contemplará un anticipo en concepto de royalties e dereitos de representación de 4.500 euros brutos.

Convoca: NORMA Editorial

Máis información:
concursomanga@normaeditorial.com

Bases da convocatoria