A Dirección Xeral de Xuventude, da Consellería de Cultura, Lingua e Xuventude convoca a primeira edición dos Cursos de nivel básico e de nivel intermedio de inglés laboral no marco do proxecto 0229_DESAFIOS_JOVENS_GNP_1_E.
O programa 0229_DESAFIOS_JOVENS_GNP_1_E é un proxecto transfronteirizo da Eurorrexión Galicia-Norte de Portugal que nace co obxectivo de promover a inserción laboral dende a inclusividade e a perspectiva de xénero, priorizando persoas mozas e mulleres do rural e dinamizando o mercado laboral transfronteirizo.
No marco desta colaboración institucional a Dirección Xeral de Xuventude pon en marcha dúas edicións do curso de nivel básico de inglés laboral e do curso de nivel intermedio de inglés laboral de 20 horas cada un deles, con titorización, seguimento do alumnado e avaliación continua. Os cursos incluirán un grupo de 20 persoas participantes para o nivel básico e outro grupo de 20 persoas para o nivel intermedio. A realización deste curso considérase necesaria e proveitosa, por tratarse dun idioma universal, fundamental para a mellora das competencias profesionais, a mobilidade laboral e a inserción no mercado de traballo, no que poderán participar mozos e mozas residentes en Galicia ou en Portugal.
A primeira edición dos cursos de nivel básico e intermedio de inglés laboral realízase en horario de mañá no primeiro semestre deste ano. Pola súa vez, a segunda edición destes convocárase no mes de xuño e realizarase en horario de tarde a partir de setembro.
Destinatarios/as:
Mozos e mozas residentes en Galicia ou Portugal que teñan unha idade comprendida entre os 18 e os 30 anos no momento de iniciar o curso.
* 1ª EDICIÓN
Duración: 20 horas
Prazas: máximo 20 para nivel básico e 20 para nivel intermedio
Data de inicio: 03/03/2026
Horario: martes e xoves (10:00h-11:00h nivel básico; 11:30h-12:30h nivel intermedio)
Data de finalización: 19/05/2026
*O horario e o contido das clases están suxeitos a cambios, en función do desenvolvemento de cada curso.
* 2ª EDICIÓN
Duración: 40 horas
Prazas: máximo 20 para nivel básico y 20 para nivel intermedio
Data de inicio: 01/09/2026
Horario: martes (18:00h-19:30h nivel básico); xoves (17:30h-19:00h nivel intermedio)
Data de finalización: 24/11/2026 (nivel básico); 26/11/2026 (nivel intermedio)
*O horario e o contido das clases están suxeitos a cambios, en función do desenvolvemento de cada curso.
*Aberto o prazo de inscricións para a 2ª edición. INSCRÍBETE en https://apunta.xunta.gal/gl/form/2-edicion-curso-ingles-laboral (data límite 13 de xullo).
Características dos cursos:
Inglés laboral. Nivel básico e nivel intermedio, de 20 horas de duración. Modalidade blended (telepresenza con reunións virtuais pero sincrónicas).
O desenvolvemento das clases centrarase principalmente nas habilidades orais, pero tamén se estudarán as comunicacións escritas formais. Todas as clases terán un enfoque práctico: que necesita saber o alumnado e como poden utilizalo nun contexto profesional. Tomarase asistencia ao comezo e ao final de cada sesión. O horario e o contido das clases están suxeitos a cambios, en función do desenvolvemento do curso.
Avaliacións: O primeiro día de clase farase unha avaliación oral inicial de nivel. Aproximadamente á metade do curso realizarase outra avaliación oral adicional de nivel e unha avaliación escrita. Ao final do curso, a avaliación xeral do nivel dos estudantes farase nas dúas últimas sesións e demostrarán seu nivel oral mediante unha presentación destinada a simular un discurso no lugar de traballo.
Descrición dos cursos:
Enfoque comunicativo e funcional, adaptado ao nivel de partida e ás necesidades do alumnado.
Priorizarase:
- A comunicación oral e escrita na contorna laboral
- O uso funcional da língua en situacións habituais do posto de traballo
- A comprensión e elaboración de documentación administrativa básica (correos electrónicos, formularios, cartas formais, etc)
- O vocabulario específico do ámbito laboral correspondente
- A interacción en reunións e/ou a atención ao público
- Estratexias para a comprensión e produción de textos e conversacións na lingua inglesa
- O uso de recursos dixitais e materiais a medida
Inscrición: mediante formulario electrónico
Prazo de inscrición: do 11 ao 20 de febreiro de 2026
Admisión: As persoas interesadas en participar serán admitidas por rigoroso orde de inscrición, ata cubrir a totalidade de prazas convocadas.
Os/as solicitantes seleccionados/as recibirán un correo electrónico de confirmación da praza. Recibido o correo electrónico de selección, deberá remitir a ese mesmo correo unha copia do Documento Nacional de Identidade . Unha vez finalizado o prazo de inscrición, de non recibir comunicación nos tres (3) días seguintes, entenderase que non obtivo praza.
Curso de nivel básico de inglés laboral I
Programa e contidos do nivel básico:
- Introducións a si mesmo e aos demais (formais e informais)
- Vocabulario básico do lugar de traballo
- Linguaxe administrativa básica
- Estratexias para facilitar a comprensión do inglés oral e as comunicacións telefónicas
- Como pedir información do cliente
- Instrucións orais básicas e indicacións orais
- Cartas e correos profesionais básicos
- Ferramentas TIC para o inglés escrito
- Recursos para practicar o inglés
- Falar de plans no futuro
- Presentacións laborais básicas
Cronograma do nivel básico:
Martes (18:00-19:30)
| Data | Sesión | Tema |
|---|---|---|
| 01/09/26 | 1 | ● Introdución ao curso ● Introducións persoais ● Avaliación oral inicial |
| 08/09/26 | 2 | ● Vocabulario do lugar de traballo ● Vocabulario administrativo básico |
| 15/09/26 | 3 | ● Estratexias para: ○ As comunicacións telefónicas ○ Facilitar a compresión oral |
| 22/09/26 | 4 | ● Como pedir información do cliente |
| 29/09/26 | 5 | ● Instrucións e indicacións orais básicas |
| 06/10/26 | 6 | ● Avaliación Oral |
| 13/10/26 | 7 | ● Cartas e correos profesionais básicos ● Cartas e correos profesionais básicos |
| 20/10/26 | 8 | ● Ferramentas TIC y recursos para practicar o inglés |
| 27/10/26 | 9 | ● Falar de plans no futuro |
| 03/11/26 | 10 | ● Presentacións laborais básicas |
| 10/11/26 | 11 | ● Presentacións: traballo en equipo |
| 17/11/26 | 12 | ● Avaliacións finais - Presentacións - 1 |
|
24/11/26* |
13 | ● Avaliacións finais - Presentacións - 2 |
* O horario e o contido das clases están suxeitos a cambios, en función do desenvolvemento de cada curso.
Curso de nivel intermedio de inglés laboral I
Programa e contidos do nivel intermedio:
- Cultura e mundo laboral
- A escoita activa
- Como pedir a información
- Vocabulario e consello para formularios
- Programación de reunións e citas
- Como dar instrucións orais
- Cartas e correos formais
- Ferramentas TIC para o inglés escrito
- Linguaxe administrativa básica
- Descricións dos postos de traballo
- Estratexias para abordar problemas e queixas
- Oratoria e presentacións simples
Cronograma do nivel intermedio:
Xoves (17:30-19:00)
| Data | Sesión | Tema |
|---|---|---|
| 03/09/26 | 1 | ● Introdución ao curso ● Avaliación de nivel oral |
| 10/09/26 | 2 | ● Cultura e o mundo laboral |
| 17/09/26 | 3 | ● A escoita activa ● Como pedir información |
| 24/09/26 | 4 | ● Vocabulario e consellos para formularios ● Aclarar y comprobar a comprensión |
| 01/10/26 | 5 | ● Programación de reunións e citas |
| 08/10/26 | 6 | ● Como dar instrucións orais |
| 15/10/26 | 7 | ● Avaliación oral |
| 22/10/26 | 8 | ● Cartas e correos formais ● Ferramentas TIC para o inglés escrito |
| 29/10/26 | 9 | ● Linguaxe administrativa básica ● Descricións de postos de traballo |
| 05/11/26 | 10 | ● Estratexias para abordar problemas e queixas |
| 12/11/26 | 11 | ● Oratoria e presentacións simples ● Traballo en equipo |
| 19/11/26 | 12 | ● Avaliación final - presentacións 1 |
| 26/11/26* 2 horas(17:30-19:30) |
13 |
● Avaliación final - presentacións 2 |
Mais información: desafiosjovens.xuventude@xunta.gal
