A Fundación Yuste convoca dez bolsas de investigación sobre o impacto da Unión Europea na vida das persoas con discapacidade

A Fundación Academia Europea e Iberoamericana de Yuste abriu o prazo para optar a dez Bolsas Europeas de Investigación e Movilidad en Estudos Europeos ‘Premio Europeo Carlos V – Foro Europeo da Discapacidade’ cunha dotación individual de 2.500 euros.

As persoas interesadas en optar a unha das bolsas deben estar matriculadas nun programa de doutoramento e atoparse na fase de preparación da tese sobre un tema relacionado co obxecto e orientación establecidas na convocatoria; non recibir unha destas bolsas con anterioridade, e acreditar o coñecemento do inglés ou español cun nivel igual ou superior ao B2 do MCERL (Marco Común Europeo de Referencia para as Linguas).

O procedemento para a concesión das bolsas é de concorrencia competitiva.
Para valorar as solicitudes atenderase ao resultado da baremación realizada por un xurado que terá en conta méritos obxectivos, así como a calidade e adecuación das propostas presentadas.

Máis información:
becas@fundacionyuste.org

https://www.fundacionyuste.org/becasedf2025/