O Concello de Pontevedra abre a convocatoria de subvencións para o desenvolvemento de actividades de iniciación deportiva durante a tempada 2025/2026, no marco das Escolas Deportivas de Promoción Municipal.

Obxecto

Estas axudas, en réxime de concorrencia competitiva, teñen como finalidade fomentar a práctica da actividade física e do deporte con carácter lúdico, educativo e saudable, apoiando programas promovidos por entidades de interese social.

Beneficiarios

Poderán solicitar as subvencións:

• Entidades deportivas privadas sen ánimo de lucro con domicilio en Pontevedra e inscritas no Rexistro Municipal de Asociacións e no Rexistro de Entidades Deportivas da Xunta de Galicia.

• Federacións deportivas autonómicas, provinciais ou locais que realicen actividades de interese municipal en Pontevedra.

• ANPAS e entidades deportivas de colexios públicos do rural do municipio.

• Asociacións sen ánimo de lucro dedicadas a persoas con discapacidade e dependencia (programas de grupos especiais, liña C).

Orzamento

O crédito total destinado é de 250.000 €:

• 62.500 € con cargo ao orzamento 2025 (25%).

• 187.500 € con cargo ao orzamento 2026 (75%), condicionado á súa consignación.
  As subvencións poderán cubrir ata o 100% do custo real da actividade.

Prazo e presentación

• O prazo é de 15 días naturais desde o día seguinte á publicación do extracto no Boletín Oficial da Provincia de Pontevedra (27/08/2025).

• As solicitudes deben presentarse a través da Sede Electrónica do Concello de Pontevedra: https://sede.pontevedra.gal

Texto completo da convocatoria: BOP PONTEVEDRA