O Concello de Vilalba convoca o Certame de Microrrelatos Día do Libro 2025 ao que poden concorrer todos os autores/as que o desexen, calquera que sexa a súa nacionalidade, sempre que presenten os seus relatos en lingua galega e conteñan a palabra libro.
Cada participante poderá presentar un máximo dun microrrelato.
As obras terán como máximo 100 palabras (título incluído).
Os textos presentaranse co seguinte formato: docx, Arial, 12 puntos, interliñado 1,15.
Os microrrelatos enviaranse por correo electrónico a cultura@vilalba.es

Categorías:
- Infantil: ata 11 anos
- Xuvenil: de 12 a 17 anos
- Adultos/as: a partir dos 18 anos

Premios

Infantil
- Primeiro premio: diploma, lote de libros e material escolar.
- Segundo premio: diploma e lote de libros.
- Terceiro premio: diploma e lote de libros.
Xuvenil
- Primeiro premio: diploma, lote de libros e un portátil.
- Segundo premio: diploma e lote de libros.
- Terceiro premio: diploma e lote de libros.
Persoas adultas
- Primeiro premio: diploma e 250 euros.
- Segundo premio: diploma e 150 euros.
- Terceiro premio: diploma e 100 euros

A organización do certame publicará os microrrelatos gañadores nas páxinas web www.vilalba.org e www.culturaliagz.com 

O prazo para a presentación de textos estará aberto ata as 23:59 horas do 31 de maio de 2025.

https://vilalba.sedelectronica.es/preview-document.1