A Deputación de Pontevedra vén de aprobar as bases reguladoras e a convocatoria do programa “+Convivencia” para o ano 2026, unha iniciativa dirixida a promover a participación, a convivencia e a cohesión social entre os distintos colectivos da provincia.

🗂 Obxectivo do programa

• Crear espazos de participación para as entidades da provincia.

• Poñer en valor o patrimonio natural, artístico, etnográfico e cultural de proximidade.

• Fomentar o intercambio de experiencias e o lecer compartido.

• Garantir a igualdade de oportunidades, especialmente para colectivos con discapacidade.

O programa, impulsado polo Servizo de Benestar Social, consolídase tras os bos resultados acadados nas edicións de 2024 e 2025, nas que participaron entidades de ata 56 concellos da provincia.

💰 Financiamento

• Orzamento total: 300.000 euros.

• Axuda máxima por entidade: 1.200 euros.

• Procedemento en concorrencia non competitiva, por orde de entrada.

• Concederanse inicialmente ata 250 actividades.

👥 Entidades destinatarias

Poderán solicitar a subvención:

• Entidades de iniciativa social inscritas no RUEPSS.

• Asociacións de maiores, mulleres, veciñais e culturais.

• ANPAS.

• Outras entidades sen ánimo de lucro que desenvolvan actividades de iniciativa social.

Deberán ter sede ou delegación permanente na provincia de Pontevedra e estar ao día coas obrigas tributarias e coa Seguridade Social.

🎯 Actividades subvencionables

As actividades deberán desenvolverse na provincia entre o 1 de abril e o 31 de decembro de 2026 e contar cun mínimo de:

• 30 participantes.

• 20 participantes no caso de colectivos con discapacidade ou necesidades específicas.

Serán subvencionables gastos como:

• Transporte (bus, barco…).

• Entradas e visitas.

• Guías oficiais.

• Axencias de viaxes.

• Seguros.

• Restauración (ata un máximo de 600 €).

Non se subvencionarán gastos correntes das entidades nin investimentos.

🗓 Prazo de solicitude

• Un mes desde o día seguinte á publicación do extracto no BOPPO.

• Presentación exclusivamente electrónica a través da Sede electrónica da Deputación: https://sede.depo.gal

📌 Xustificación e pagamento

• A xustificación deberá presentarse ata o 31 de xaneiro de 2027.

• O pagamento realizarase en función dos gastos efectivamente xustificados.