O Concello de Marín publica as bases para cubrir, mediante o sistema de oposición, tres prazas de peóns de servizos especiais pertencentes ás Ofertas de Emprego Público de 2023 e 2025.

Requisitos

• Nacionalidade: Española ou dalgún Estado membro da UE.

• Idade: Ter feitos os 16 anos e non exceder a idade de xubilación forzosa.

• Titulación: Non se esixe ningunha titulación académica específica.

• Capacidade: Posuír a capacidade funcional necesaria para as tarefas do posto.

• Taxas: Aboar os dereitos de exame (agás persoas desempregadas que non cobren prestación).

• Lingua: Acreditar o Celga 2 ou realizar a proba correspondente.

Prazos O prazo para presentar as solicitudes será de 20 días hábiles, contados a partir do día seguinte ao da publicación do extracto da convocatoria no Boletín Oficial do Estado (BOE).

Solicitudes As instancias presentaranse preferentemente por vía electrónica a través da Sede Electrónica do Concello de Marín. Tamén poderán presentarse por calquera das formas previstas na Lei 39/2015 do procedemento administrativo común.

Máis información

• Sede electrónica do Concello de Marín

• Boletín Oficial da Provincia de Pontevedra (BOPPO)

• Teléfono do Concello: 986 88 10 00