A Consellería de Educación, Ciencia, Universidades e Formación Profesional vén de convocar axudas de mobilidade complementarias ás do programa Erasmus+ destinadas ao alumnado de ensinanzas artísticas superiores en centros públicos de Galicia para o curso 2025/26.

• Obxectivo: reforzar o financiamento das estadías internacionais do alumnado participante en Erasmus+, favorecendo a mobilidade e a formación no Espazo Europeo de Educación Superior.
• Orzamento: 40.000 euros, ampliables segundo dispoñibilidade.
• Persoas beneficiarias: alumnado matriculado en ensinanzas artísticas superiores en centros públicos galegos que xa conte cunha bolsa Erasmus+ no curso 2025/26.
• Contías das axudas:
  • Ata 195 €/mes (países con maior custo de vida).
  • Ata 165 €/mes (custos medios).
  • Ata 125 €/mes (custos máis baixos).
• Duración: entre 2 e 9 meses de estadía.
• Criterios de concesión: concorrencia competitiva baseada principalmente na nota media do expediente académico.
• Prazo de solicitude: un mes desde a publicación da convocatoria no Diario Oficial de Galicia.
• Presentación: exclusivamente por vía electrónica a través da sede da Xunta de Galicia.

A medida enmárcase no compromiso da Xunta co impulso da internacionalización e coa igualdade de oportunidades no acceso a programas europeos de mobilidade.

DOG