O Concello de Castroverde convoca o seu V Concurso de microrrelatos
Nesta quinta convocatoria os microrrelatos terán como temática “O XARDÍN DE CATUXA”

Poderán participar todas as persoas que o desexen a partir dos 12 anos de idade. Os menores de idade, no momento de aceptar as presentes bases, deberán estar asistidos por aquel que ostente a súa tutela legal, que deberá outorgar o seu consentimento expreso.

O microrrelato deberá estar escrito en lingua galega, deberá ser orixinal e inédito (isto é, non debe ser tido publicado en ningún medio ou soporte), non debe ter recibido previamente ningún premio, nin ser simultaneamente presentado noutros concursos. Terá unha extensión mínima de 100 palabras e máxima de 200 palabras.

O envío realizarase por correo electrónico ao seguinte enderezo: microrrelatos.castroverde@gmail.com
No correo deberá figurar como asunto: V Concurso de microrrelatos do Concello de Castroverde, e acompañaranse dous documentos (A e B) en formato PDF 
- Documento A: Nomearase co título do microrrelato e conterá exclusivamente o texto do microrrelato, en letra tipo Arial, 12 puntos, interliñado 1.5, sen sinatura.
- Documento B: Nomearase do seguinte xeito: Título do microrrelato e dentro conterá os datos identificadores da persoa autora do texto: Nome e apelidos, copia dixital do NIF, enderezo postal, correo electrónico e teléfono

Premios:
1º premio: 400 €
2º premio: 200 €
3º premio: 100 €
4º premio: 60 €

Máis información no BOP de Lugo do 24 de marzo de 2025 e en https://concellodecastroverde.gal/