O Concello de Calvos de Randín aprobou, mediante Resolución da Alcaldía do 11 de maio de 2026, as bases e a convocatoria para a contratación temporal dun/dunha peón/oa condutor/a de tractor desbrozadora e outros vehículos, por circunstancias da produción.

Datos da convocatoria

• Número de prazas: 1.
• Posto: peón/a condutor/a de tractor desbrozadora e outros vehículos.
• Modalidade de contratación: por circunstancias da produción.
• Sistema de selección: concurso de méritos.
• Xornada: completa.
• Duración do contrato: 6 meses.

Presentación de solicitudes

O prazo de presentación das solicitudes será de 5 días hábiles, contados a partir do día seguinte ao da publicación deste anuncio no BOP.

As solicitudes poderán presentarse:

• No Rexistro Xeral do Concello de Calvos de Randín, situado na praza A Laborada, s/n, 32644 Calvos, en horario de 9:00 a 14:30 horas.
• A través de calquera dos medios previstos na Lei 39/2015, do 1 de outubro, do Procedemento Administrativo Común das Administracións Públicas.

No caso de presentación por medios distintos ao rexistro municipal, deberá comunicarse mediante correo electrónico á sede electrónica municipal.

Bases da convocatoria

As bases íntegras do proceso selectivo están publicadas no taboleiro de anuncios do Concello e na sede electrónica municipal:

Sede electrónica do Concello de Calvos de Randín

Os sucesivos anuncios relacionados coa convocatoria publicaranse na sede electrónica e no taboleiro de anuncios municipal.

BOP OURENSE