O Concello de Cospeito (Lugo) publica as bases para a contratación laboral temporal, mediante o sistema de concurso-oposición, de 5 profesionais que integrarán a brigada municipal de prevención e defensa contra incendios forestais durante a campaña de 2026.

• Entidade convocante: Concello de Cospeito.

• Prazo de presentación: 5 días hábiles (a contar desde o xoves 18 de xuño de 2026). BOP LUGO

• Xornada: Completa (con plena dispoñibilidade para emerxencias, quendas de noite e festivos).

• Financiamento: Contratos vinculados a programas financiados con fondos europeos (Feader), no marco do convenio coa Consellaría do Medio Rural.

Prazas convocadas

• 1 Xefe/a de brigada

• 1 Peón/oa condutor/a

• 3 Peóns / Operarios/as de brigada

Requisitos principais dos/as aspirantes

• Ter cumpridos os 16 anos e non exceder a idade de xubilación forzosa.

• Posuír a titulación esixida e o permiso de conducir correspondente segundo o posto.

• Acreditar o coñecemento da lingua galega (Celga ou superación dunha proba tipo test).

• Superar un recoñecemento médico e unha proba física de esforzo antes da contratación.

• Compromiso de realizar un curso de formación obrigatorio de 16 horas ao inicio do contrato.

Sistema de selección (Concurso-Oposición)

• Fase de concurso (máx. 40 puntos): Valoración de experiencia laboral previa en administracións públicas (ata 20 pts) e cursos de formación relacionados coa protección forestal (ata 20 pts).

• Fase de oposición (máx. 60 puntos): Proba práctica obrigatoria relacionada coas funcións do posto para demostrar a destreza e capacidade dos/as aspirantes.

Presentación de solicitudes

As instancias (segundo o modelo oficial do Anexo II) deben dirixirse á Alcaldía e presentarse no Rexistro Xeral do Concello de Cospeito ou a través da súa sede electrónica.

Nota importante: As persoas que superen o proceso pero non obteñan praza pasarán a formar parte dunha bolsa de traballo para cubrir posibles baixas ou substitucións. Toda a información e seguimento do proceso publicarase na sede electrónica municipal.