O Concello das Somozas abre a convocatoria de axudas ás familias para material escolar en Educación Infantil, Primaria, ESO, FP Básica e Bacharelato, así como para gastos de desprazamento de estudantes de ciclos medios, superiores e universitarios.

O programa conta cun orzamento de 12.000 euros e pretende apoiar ás familias nos gastos de escolarización e garantir a igualdade de oportunidades no acceso á educación.

As contías varían segundo os estudos e a renda familiar:

• Infantil, Primaria, ESO e FP Básica: entre 100 e 200 €.

• Bacharelato: entre 125 e 250 €.

• Ciclos medios/superiores: 300 €.

• Universitarios: 500 €.

O prazo para presentar solicitudes estará aberto ata o 30 de setembro de 2025, no Rexistro Xeral ou na Sede Electrónica do Concello.

INFO