O Concello de Narón vén de publicar as bases específicas e a convocatoria para cubrir unha paza de funcionario/a de carreira de Técnico/a Tributario/a, pertencente ao grupo A2, incluída na Oferta de Emprego Público 2025. A aprobación realizouse pola Xunta de Goberno Local na sesión ordinaria do 20 de novembro de 2025.

Características da praza

• Categoría: Técnico/a Tributario/a

• Grupo/Subgrupo: A / A2

• Escala: Administración especial – Subescala técnica/media

• Sistema de selección: Oposición

• Número de prazas: 1

• Taxa de exame: 17,21 €

• Nivel de galego requirido: CELGA 4

• Titulación necesaria: Diplomatura ou Grao que habilite para o exercicio das funcións do posto

Principais funcións do posto

A praza está orientada á xestión e control tributario municipal, incluíndo:

• Control de pago de tributos

• Propostas de resolución de recursos

• Investigacións tributarias e de posibles fraudes fiscais

• Asesoramento técnico aos órganos municipais

• Intervencións tributarias e atención á cidadanía en materia fiscal

Solicitudes

O prazo para presentar solicitudes será de 20 días naturais a partir do día seguinte á publicación da convocatoria no Boletín Oficial do Estado (BOE).
A tramitación realizarase a través da Sede Electrónica do Concello de Narón ou dos rexistros previstos no artigo 16 da Lei 39/2015.

As persoas aspirantes deberán achegar:

• Modelo oficial de solicitude

• Xustificante de pagamento da taxa

• DNI

• Titulación requirida

• Acreditación do nivel CELGA 4 (ou realizarán proba específica)

• Solicitude de adaptacións, no caso de persoas con discapacidade

Proceso selectivo

O sistema será o de oposición, estruturado en:

1. Primeiro exercicio (teórico):

   • Cuestionario tipo test

   • Desenvolvemento dun tema

2. Segundo exercicio (práctico):

   • Un ou varios supostos prácticos

3. Terceiro exercicio (lingua galega), só para quen non dispoña do CELGA 4

Para superar o proceso é necesario aprobar todos os exercicios obrigatorios.

Listas de reserva e espera

Ao rematar o proceso:

• Crearase unha lista de reserva de aspirantes aprobados sen praza.

• Tamén se elaborará unha lista de espera para posibles nomeamentos como persoal funcionario interino.

Toda a información está dispoñible na Sede Electrónica do Concello de Narón.

BOP CORUÑA