O Concello de Ribadumia vén de publicar as bases da convocatoria para a selección dun/ha traballador/a social, na modalidade de persoal laboral interino por vacante, mediante o sistema de concurso-oposición.

A praza está encadrada no grupo A, subgrupo A2, a xornada completa, e corresponde á escala de administración especial, subescala técnica. O nomeamento rexerase pola Lei 2/2015, do emprego público de Galicia, e polo Real Decreto Lexislativo 5/2015, polo que se aproba o Texto refundido do Estatuto Básico do Empregado Público.

Funcións principais do posto

Entre as tarefas a desenvolver destacan:

• Atención primaria no ámbito dos servizos sociais municipais.

• Avaliación de necesidades sociais, seguimento de casos e visitas domiciliarias.

• Elaboración e seguimento de plans de intervención.

• Mediación en conflitos sociais ou familiares.

• Deseño e xestión de programas vinculados ao eido familiar.

• Coordinación con entidades públicas e privadas.

• Tramitación de axudas económicas e elaboración de informes sociais.

Requisitos das persoas aspirantes

Para participar no proceso será necesario, entre outros requisitos:

• Ter nacionalidade española ou as condicións establecidas para persoas doutros Estados.

• Ter cumpridos 16 anos.

• Estar en posesión do título de Diplomatura ou Grao en Traballo Social.

• Posuír o permiso de conducir B.

• Acreditar o CELGA 4, ou realizar unha proba específica.

• Presentar certificación negativa do Rexistro Central de Delincuentes Sexuais.

Presentación de solicitudes

As solicitudes deberán presentarse no Rexistro Xeral do Concello de Ribadumia ou a través da sede electrónica, no prazo de 5 días hábiles dende a publicación da convocatoria no Boletín Oficial da Provincia.

Xunto coa instancia deberá achegarse a documentación requirida e o xustificante de pagamento da taxa correspondente, fixada en 35 euros.

Proceso selectivo

O sistema será de concurso-oposición, cunha fase de oposición e outra de baremación de méritos, podendo acadar ata 20 puntos adicionais pola experiencia profesional, formación académica e cursos especializados.

Toda a información detallada, modelos de solicitude e actualizacións do proceso estarán dispoñibles na web municipal www.ribadumia.org e no taboleiro de anuncios do Concello.