O Concello de Manzaneda abriu o proceso selectivo para a contratación laboral temporal dun/ha técnico/a medio de Administración xeral, segundo as bases aprobadas mediante Resolución da Alcaldía 2026-0054.

Datos principais da convocatoria:

• Posto ofertado: 1 praza de técnico/a medio de Administración xeral

• Modalidade de contrato: laboral temporal

• Xornada: media xornada (tempo parcial)

• Duración do contrato: 12 meses

• Sistema de selección: concurso de méritos

• Prazo de solicitude: 5 días hábiles desde o día seguinte á publicación no BOP

Características do contrato

A contratación realizarase baixo a modalidade de contrato para a mellora da ocupabilidade e a inserción laboral, de acordo co establecido no Real decreto-lei 32/2021.

Presentación de solicitudes

As persoas interesadas deberán presentar a súa solicitude no Rexistro Xeral do Concello de Manzaneda, podendo facelo:

• De forma presencial

• A través da sede electrónica municipal

• Por calquera dos medios previstos na normativa administrativa

A solicitude deberá axustarse ao modelo oficial incluído nas bases e ir acompañada da documentación requirida.

Máis información

As bases completas da convocatoria e o modelo de solicitude estarán dispoñibles no taboleiro de anuncios do Concello e na sede electrónica municipal.