O xoves, 30 de outubro, celebramos unha nova cita do ciclo "Faladoiros en Bonaval". Nesta ocasión, o investigador do Instituto de Ciencias do Patrimonio do CSIC Alfredo González Ruibal ofreceranos un faladoiro titulado 𝑪𝒖𝒍𝒕𝒖𝒓𝒂𝒔 𝒆𝒏 𝒑𝒆𝒓𝒊𝒈𝒐: 𝒂 𝒅𝒐𝒄𝒖𝒎𝒆𝒏𝒕𝒂𝒄𝒊𝒐́𝒏 𝒅𝒆 𝒕𝒓𝒂𝒅𝒊𝒄𝒊𝒐́𝒏𝒔 𝒎𝒂𝒕𝒆𝒓𝒊𝒂𝒊𝒔 𝒏𝒐 𝑪𝒐𝒓𝒏𝒐 𝒅𝒆 𝑨́𝒇𝒓𝒊𝒄𝒂.

🗓️ 30 de outubro
🕖 19:00 horas
📍 Auditorio do Museo do Pobo Galego

A entrada é libre até completar capacidade.

🛖 O Corno de África é un dos territorios máis diversos do planeta e onde as culturas tradicionais teñen persistido con máis forza. Porén, durante as últimas dúas décadas estas culturas víronse expostas a novas ameazas que contribúen á desaparición dos costumes tradicionais, particularmente a cultura material. Nesta conversa, o arqueólogo falaranos da súa experiencia no proceso de documentación da cultura material de catro minorías étnicas do Corno de África entre 2020 e 2021, contribuíndo co rexistro a comprender mellor a historia e a cultura destes grupos antes de que a materialidade tradicional desapareza.

💬 O faladoiro pecharase cun coloquio aberto para debater conxuntamente.

✍️ Alfredo González Ruibal é investigador científico no Instituto de Ciencias do Patrimonio do CSIC. Ten un doutouramento en arqueoloxía prehistórica pola Universidade Complutense, mais a maior parte da súa investigación ten que ver coa arqueoloxía contemporánea e a arqueoloxía y a antropoloxía de África subsahariana. Os seus intereses inclúen a arqueoloxía da modernidade -especialmente a ditadura, a guerra, o colonialismo e o capitalismo- e o estudo da resistencia social. Ten desenvolvido proxectos arqueolóxicos e de cultura material contemporánea en Etiopía, Xibuti, Somalilandia, Puntlandia e Guinea Ecuatorial. Entre os seus libros máis recentes está Tierra arrasada. Un viaje por la violencia del Paleolítico al siglo XXI (Crítica, 2023), que foi Premio Nacional de Ensaio.