A  Academia Galega de Seguridade Pública (Agasp) convoca novos cursos de formación continua dirixidos ás persoas responsables das agrupacións de voluntarios/as de protección civil da Comunidade Autónoma de Galicia, correspondentes ao segundo semestre do ano 2025.

Dúas accións formativas presenciais dirixidas ao persoal voluntario con responsabilidades nas AVPC:

•  “A comunicación coa prensa nos servizos de emerxencias”, terá unha duración de 8 horas lectivas, contará cun máximo de 20 prazas e celebrarase o 20 de novembro nas instalacións da AGASP, en A Estrada.
• “Xestión operativa e mando (nivel 1)”, cunha duración total de 24 horas lectivas, 24 prazas dispoñibles e desenvolverase os días 19, 20 e 21 de novembro, tamén en modalidade presencial.

Toda a información relativa ao contido destas actividades, así como os requisitos e o proceso de inscrición, pode consultarse na páxina web da AGASP: http://agasp.xunta.gal

Requisitos principais

• Ter superado o curso básico de protección civil.

• Ser voluntario/a activo/a nunha AVPC inscrita no Rexistro de Agrupacións de Voluntarios/as de Protección Civil de Galicia.

• Acreditar os requisitos mediante informe da agrupación correspondente.

• Non padecer enfermidade ou limitación que impida o seguimento da formación.

Solicitudes

• Deben presentarse exclusivamente por vía telemática a través da páxina web da Agasp: http://agasp.xunta.gal

• É necesario estar rexistrado/a como usuario/a da web para cubrir o formulario de matrícula.

• As persoas seleccionadas recibirán a comunicación por correo electrónico e/ou mensaxe ao móbil.

Prazo de inscrición

Ata o 10 de novembro de 2025, contado desde o día seguinte á publicación da resolución no Diario Oficial de Galicia.

Máis información

Web: http://agasp.xunta.gal
Correo: formacion.emerxencias.agasp@xunta.gal
Teléfonos: 886 20 61 37 / 886 20 61 38 / 886 20 61 11