Obxecto
O Concello do Carballiño convoca o Concurso de decoración de Nadal 2025, co obxectivo de premiar o esforzo e creatividade dos establecementos comerciais e hostaleiros do municipio na decoración dos seus locais durante o Nadal.

Participantes
Poderán participar todos os establecementos comerciais e hostaleiros do Carballiño, sen límite de espazos nin distinción pola súa actividade.

Inscrición e prazo
As inscricións poderán presentarse a través da sede electrónica do Concello  ou de forma presencial no rexistro municipal. O prazo permanecerá aberto ata as 12.00 horas do 12 de decembro de 2025.

Premios
O orzamento total ascende a 900 €, distribuídos en dúas categorías:

• Comercio: 1º premio 200 €, 2º premio 150 €, 3º premio 100 €.

• Hostalaría: 1º premio 200 €, 2º premio 150 €, 3º premio 100 €.

Procedemento
A concesión das axudas realizarase en réxime de concorrencia competitiva. A decisión do xurado será inapelable e farase pública coa entrega dos premios nos establecementos gañadores.

Máis información
As bases completas poden consultarse na Base de Datos Nacional de Subvencións

BOP de Ourense