Obxecto
Fomentar a participación das asociacións e coros do municipio promovendo o espírito do Nadal mediante interpretacións musicais propias destas datas.

Participantes
Poderán participar todas as asociacións e coros das parroquias do termo municipal. Se o grupo non é unha asociación, deberá nomear un representante legal que reciba o premio económico.

Inscrición

• Inscrición telemática dispoñible en www.alaracha.gal

• Se é o primeiro ano de participación ou cambiou o número de conta, debe achegarse certificado de titularidade bancaria.

• Tamén é posible inscribirse presencialmente na Casa da Cultura da Laracha.

Prazo
O prazo ábrese ao día seguinte da publicación das bases no BOP e finaliza o xoves 18 de decembro de 2025.

Condicións de participación

• Cada grupo actuará unha única vez.

• Duración máxima da panxoliña: 10 minutos.

• Interpretación en galego ou castelán.

• Mínimo 5 compoñentes por grupo.

• Un máximo de dúas persoas poderán formar parte de máis dun grupo.

Premios

• Gratificación de 200 € para todas as entidades participantes.

• Categorías:

  • 1ª categoría: 400 €

  • 2ª categoría: 300 €

  • 3ª categoría: 250 €

  • 4ª categoría: 200 €

Xurado
Composto por cinco persoas nomeadas pola Concellería de Cultura, podendo ser persoal municipal ou representantes do tecido asociativo. Terán en conta a calidade musical e a posta en escena. A decisión será inapelable.

Celebración
O concurso terá lugar o sábado 20 de decembro de 2025 ás 18:00 h na Casa da Cultura da Laracha.