O Concello de Tui vén de publicar a convocatoria do Desfile–Concurso de Comparsas e Grupos do Entroido 2026, unha iniciativa incluída na programación do Entroido coa finalidade de recoñecer o esforzo, a creatividade e a animación das formacións participantes.

🎭 Obxecto da convocatoria

• Organización do Desfile–Concurso de Comparsas e Grupos do Entroido 2026.

• Celebración: martes, 17 de febreiro de 2026, festivo local, ás 17:00 horas, na cidade de Tui.

• Obxectivo: premiar o traballo, a posta en escena e a animación das comparsas e grupos participantes.

👥 Persoas beneficiarias

Poderán participar:

• Comparsas, cun mínimo de 35 persoas disfrazadas.

• Grupos, cun mínimo de 15 persoas e un máximo de 34.

Ambas modalidades competirán conxuntamente nas distintas categorías de premios.
Limítase a participación a 12 comparsas e 3 grupos, con prioridade para aqueles con domicilio social en Tui.

🏆 Premios e contía

• Importe total: 5.550 €, repartidos en 12 premios.

• Categorías:

  • Categoría Xeral (ata 4 premios)

  • Categoría Carroza (ata 4 premios)

  • Categoría Parodia (ata 2 premios)

  • Categoría Coreografía (1 premio)

  • Categoría Música (1 premio)

• Os premios están suxeitos ás retencións correspondentes do IRPF.

• Entregaranse ademais 12 trofeos, cun valor total de 300 €.

📝 Prazo e presentación de solicitudes

• O prazo de inscrición será de tres días hábiles desde o día seguinte á publicación das bases no BOPPO, ata as 14:00 horas do último día.

• A inscrición realizarase a través da sede electrónica do Concello de Tui:
  👉 concellotui.sedelectronica.gal

• As persoas xurídicas deberán presentar a solicitude exclusivamente por medios electrónicos.

• As comparsas con domicilio social en Tui terán prioridade na inscrición.

ℹ️ Información adicional

• A inscrición implica a aceptación das bases e o compromiso de participar no Enterro do Bacallau, o domingo 22 de febreiro, cun mínimo do 33 % das persoas participantes no desfile.

• As bases completas están dispoñibles en www.tui.gal, no departamento de Cultura e nos medios municipais.