O Concello de Quintela de Leirado abriu un proceso selectivo para cubrir unha praza de auxiliar laboral fixo na Casa Comunitaria de Xacebáns, incluída na oferta pública de emprego correspondente ao ano 2026.

Datos principais da convocatoria:

• Posto ofertado: 1 praza de auxiliar en institucións

• Centro de traballo: Casa Comunitaria de Xacebáns

• Tipo de contrato: persoal laboral fixo

• Xornada: completa

• Horario: variable

• Sistema de selección: concurso–oposición

• Prazo de solicitude: 20 días hábiles desde a publicación do anuncio no BOE

Funcións do posto

A persoa seleccionada desenvolverá tarefas propias da categoría de auxiliar, centradas no coidado e atención ás persoas usuarias da Casa Comunitaria de Xacebáns.

Requisitos das persoas aspirantes

Entre os requisitos establecidos para participar no proceso selectivo destacan:

• Ter nacionalidade española ou outra que permita o acceso ao emprego público.

• Ter 16 anos cumpridos e non superar a idade máxima de xubilación forzosa.

• Estar en posesión da titulación de auxiliar en institucións ou equivalente.

• Non ter sido separado do servizo dunha administración pública nin estar inhabilitado para emprego público.

• Posuír as capacidades físicas e psíquicas necesarias para o desempeño das funcións.

Fases do proceso selectivo

O proceso constará de dúas fases:

1. Fase de oposición

Inclúe dous exercicios obrigatorios e eliminatorios:

• Primeiro exercicio: exame tipo test de 30 preguntas sobre o temario da convocatoria (máx. 30 puntos).

• Segundo exercicio: resolución dun suposto práctico relacionado co posto (máx. 30 puntos).

Será necesario obter un mínimo de 15 puntos en cada proba para superala.

Ademais, realizarase unha proba de coñecemento da lingua galega, agás para quen acredite o nivel correspondente segundo a normativa vixente.

2. Fase de concurso

Valorarase a experiencia profesional e a formación acreditada, entre outros méritos:

• Formación: ata 9 puntos.

• Experiencia profesional: ata 30 puntos.

• Outros méritos como coñecemento superior de galego ou condición de vítima de violencia de xénero.

Bolsa de traballo

Coas persoas que superen o proceso selectivo e non obteñan praza crearase unha bolsa de traballo, que poderá empregarse para cubrir substitucións temporais por baixas, vacacións ou outras necesidades do servizo.

BOP OURENSE