A Escola de Tempo Libre Xaruma organiza en Vigo un novo Curso de Monitor/a de Actividades de Tempo Libre, unha formación dirixida a persoas interesadas en adquirir competencias para o desenvolvemento de actividades educativas, de lecer e tempo libre con infancia e mocidade.

Datos do curso:

• Organiza: Escola de Tempo Libre Xaruma.
• Lugar: Vigo.
• Enderezo: Torrecedeira, 66. 36202 Vigo.
• Datas: Do 30 de xuño ao 31 de xullo de 2026.
• Horario:
  • Luns, martes e xoves: de 9:00 a 14:00 h e de 15:00 a 20:00 h.
  • Mércores e venres: de 9:00 a 15:30 h.
  • Consultar calendario para días especiais.
• Prazo de inscrición: Ata o 26 de xuño.
• Prezo:
  • 300 € para voluntariado activo e persoas socias.
  • 310 € tarifa ordinaria.
  • Desconto de 20 € para grupos de 20 persoas ou máis.

Requisitos de acceso:

• Ter 18 anos cumpridos.
• Estar en posesión do graduado escolar ou titulación equivalente.

Entre os aspectos destacados desta formación atópase a posibilidade de realizar as prácticas na propia entidade, especializada en saúde mental e educación medioambiental. Ademais, o alumnado poderá facer uso do espazo da entidade para comer durante as xornadas formativas.

As persoas interesadas poden obter máis información e formalizar a súa inscrición a través da páxina web de Xaruma. A entidade tamén pon á disposición o teléfono 698 175 266 e o correo electrónico etlxaruma@gmail.com para resolver dúbidas relacionadas co curso.