A Escola de Tempo Libre Altair Galiza convoca un curso de Monitor/a de Actividades de Tempo Libre en Santiago (Inclúe aloxamento e alimentación).

Lugar de impartición: 

ETL Altair Galiza, Rúa Home Santo, 29-B, 15703 Santiago de Compostela (A Coruña). 165 horas da formación desenvolveranse en albergues e espazos rurais, en réxime de convivio e campamento.

Datas da fase teórico-práctica (200 horas)
Inicio: 2 de setembro de 2026.
Remate: 31 de decembro de 2026.

Prazas
Mínimo: 7 persoas.
Máximo: 25 persoas.

Matrícula
A matrícula inclúe a fase teórico-práctica e a fase de prácticas, agás a taxa de expedición do título.
75 € para as persoas que formalicen un compromiso de incorporación como voluntarias da Asociación Altair Galiza.
195 € para as matrículas realizadas antes do 31 de xullo de 2026 ou para quen se matricule xunto cun amigo ou amiga, sempre que existan prazas dispoñibles.
245 € para as matrículas formalizadas a partir do 1 de agosto de 2026.

Fase de prácticas
Será necesario superar 150 horas de prácticas en entidades de voluntariado do ámbito do tempo libre, unha vez superada a fase teórico-práctica, para obter a titulación oficial.
Durante esta fase, o alumnado continuará contando co apoio e asesoramento da ETL Altair Galiza para a procura dunha entidade de prácticas, a elaboración da memoria e o seguimento do proceso formativo.

Facilidades de pagamento
O pagamento poderá fraccionarse en 2 ou 3 prazos, podendo o alumnado escoller libremente o importe de cada un deles.
A data límite para efectuar o pagamento do último prazo será o 30 de agosto de 2026.

O curso inclúe

• 200 horas de formación teórico-práctica.
• 150 horas de prácticas.
• Convivios e campamentos con aloxamento, manutención e transporte desde Santiago de Compostela.
• Seguro de accidentes e responsabilidade civil durante a fase teórico-práctica.
• Material didáctico.
• Recursos para o desenvolvemento dos distintos módulos.
• Participación nas visitas e actividades programadas.

As persoas interesadas poderán solicitar admisión a través da seguinte ligazón: https://forms.gle/9iLnsLjKb6wAZCD39
⏳ Prazo de inscrición: ata o 30 de agosto de 2026 (ou ata cubrir prazas).
📧 Máis información: 
📧 info@altair.gal
📞 633 336 256
🌐 https://altair.gal/